Oct 24, 2017
ఇవ్వాళ మ‌ధ్యాహ్నం మా చిన్న‌న్న‌య్య ఇంటికొచ్చాడు. నేను లోప‌లి గ‌దిలో కంప్యూట‌ర్ మీద నా ప‌ని నేను చేసుకుంటూవున్నా. సురేషూ అని న‌న్ను పిలిచేవుంటాడు కానీ, నాకు వినిపించ‌లేదు.
స‌రే, సొంత త‌మ్ముడిల్లే క‌దా అని స్వేచ్ఛ‌గా కిచెన్ లోకి వెళ్లి ఓ రెండు అర‌టిప‌ళ్లు తిన్నాడు. ఇంకో రెండు ప‌ళ్లు కూడా తిన‌డానికి ట్రై చేశాడు కానీ, మ‌రీ గ‌ట్టిగా వున్నాయేమో, వాటిని మెత్త‌గా పిసికి కింద ప‌డేశాడు. ప‌క్క‌నే డ‌బ్బాలో మొన్న‌నే ప్ర‌గ‌తిన‌గ‌ర్ సూప‌ర్‌మార్కెట్లో కొనుక్కొచ్చిన సుప్ర‌శ‌స్త‌మైన బూందీ, చేగోడీలున్నాయి. అవి క‌నిపించ‌లేద‌నుకుంటా … క‌నీసం ప‌చ్చిశ‌న‌గ‌లైనా తిందామ‌ని చూశాడు. డ‌బ్బా చేతిలోకి తీసుకుని హాల్లోకొచ్చాడు. బ‌హుశా మ‌ళ్లీ న‌న్ను పిలిచేవుంటాడు, నేను ప‌లికివుండ‌ను. కోప‌మొచ్చిన‌ట్లుంది, డ‌బ్బాను బాల్క‌నీలో విసిరికొట్టి వెళ్లిపోయాడు. త‌ర్వాతెప్పుడో నేను బ‌య‌టికొచ్చి … అయ్యో, చిన్న‌న్న‌య్య వ‌చ్చిన విష‌యం గ‌మ‌నించ‌లేదే అని చాలా బాధ‌ప‌డ్డాను.
చిన్న‌న్న‌య్యా, అయామ్ వెరీ వెరీ సారీ. ఏమీ అనుకోకు. ఇంకోసారి ఇలా చేయ‌ను. న‌న్ను క్ష‌మించి ఈ పోస్టు చ‌ద‌వ‌గానే మ‌నింటికొచ్చెయ్‌. ఫ్రెండ్స్‌, మా చిన్న‌న్న‌య్య మీలో ఎవ‌రికైనా క‌నిపిస్తే ద‌య‌చేసి నాకు ఇన్‌ఫ‌ర్మేష‌న్ ఇవ్వండి. మీ ఆన‌వాలు కోసం మా చిన్న‌న్న‌య్య ఫొటో కింద లింక్‌లో పెడుతున్నాను. https://goo.gl/3zTqh2
Writings of VMRG Suresh 